Қазақстан ауыр атлетикадан Азия чемпионатында бірінші алтын медальді қоржынға түсірді

09 Қыркүйек 2015, 19:58
0
Қазақстан ауыр атлетикадан Азия чемпионатында бірінші алтын медальді қоржынға түсірді - Айдар Қазов. © wfrk.kz
Айдар Қазов. © wfrk.kz

Ауыр атлетикадан Таиландта өтіп жатқан Азия чемпионатында Қазақстан құрамасының қоржынына алтын медаль түсті. 77 келіге дейінгі салмақта жарыс жолына шыққан қазақстандық Айдар Казов Азия чемпионы атанды. Бұл туралы Massaget.kz сайты хабарлады.

Қазақстандық зілтемірші қоссайыс қорытындысы бойынша 350 келіні еңсерді. Жұлқа көтеруде 156 келіні, серпе көтеруде 194 келіні бағындырды. Қоссайыста дәл осындай нәтижені (160+190) КХДР спортшысы да көрсетті. Алайда Айдар Қазовтың салмағы Джон Менг Сонгтан жеңіл болып шықты. Нәтижесінде отандасымыз Азия чемпионы атанды. Қола медаль тай спортшысы Чиннавон Чатупхумға бұйырды. Ол қоссайыс қорытындысы бойынша 349 келіні басынан асырды. Ал бұл салмақтағы екінші қазақстандық зілтемірші Батыр Асраров 330 келімен (қоссайыс) сегізінші орынды қанағат тұтты.

Осыған дейін Таиландтағы Азия чемпионатында Әсем Садықова мен Фаина Сиванбаева қола жүлдегер атанған болатын. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай