Аралас жекпе-жектен қазақстандық спортшы Қайрат Ахметов Индонезияда өткен ONE Championship турнирінде филиппин Джехе Эустакионы жеңді, - деп хабарлайды Vesti.kz.
Кездесу сингапурлық ONE FC промоушенінің аясында өткен еді. Үш раундтың қорытындысы бойынша Ахметовке төрешілердің басым бөлігі дауыс берген.
29 жастағы Ахметов карьерасында 21-ші жеңісіне жетіп отыр. Жалғыз жеңілісі 5 тамызда болған еді, сол кезде ол бразилялық Адриано Мораеске ONE FC чемпиондық белбеуін беріп қойған еді. 28 жастағы Эустакио алтыншы рет жеңіліске ұшырап отыр, ол 9 рет жеңіске жеткен.
