Алматыда өтіп жатқан 28-ші қысқа Универсиада барысында шорт-тректен 1000 метрге ерлер арасындағы жарыс аяқталды. Бұл бәсекеден Қазақстан қоржынына қола жүлде түсті, - деп хабарлайды Vesti.kz.
Шорт-тректен 1000 метр қашықтыққа сынға түскен спортшылар арасында корей жігіті Лим Кён Вон 1:28.024 уақыт көрсеткішімен бірінші орын алды. Екінші орынды да корей жігіті Пак Чжи Вон (+0.027) алды. Ал үздік үштікті қазақстандық спортшы Денис Никиша түйіндеді. Отандасымыз көшбасшыдан +0.165 уақытқа қалып қойды.
Осы сайыстың финалына шыққан екінші отандасымыз Айдар Бекжанов көшбасшыдан +0.404 уақыт қалып, төртінші орынға тұрақтады.
