Ұйымдастырушылар "Қазақстан Барысы-2017" жүлде қоры туралы айтып берді

29 Наурыз 2017, 14:43
0
Ұйымдастырушылар "Қазақстан Барысы-2017" жүлде қоры туралы айтып берді - © sport.gov.kz
© sport.gov.kz

2 шілдеде Астанада қазақ күресінен жетінші республикалық "Қазақстан Барысы" турнирінің финалы өтеді. Жарыстың алдында ұйымдастырушылар жүлделер жайында және допинг мәселелері туралы айтып берді, - деп хабарлайды Vesti.kz тілшісі. 

"Қазақ халқы үшін жеті саны әрқашанда киелі болды. Бізді қолдаған серіктестерге үлкен алғыс білдіреміз. Қазақ күресі басқа күрес түрлерімен салыстырғанда көлеңкеде болып келді, ал қазіргі уақытта ол өзінің лайықты деңгейіне жетті деп ойлаймын. Биыл жаңа өзгерістер енгіздік, ендігі кезекте "Әскер Барысы" турнирінің жеңімпаздары да бөлек марапатталады", - деді қазақ күресі Федерациясының президенті Арман Шораев. 

Кең масштабты жарыс төрт кезеңнен тұрады: ауылдық, аудандық, облыстық және финал. Соңғы кезеңге 34 спортшы шығады. Олардың барлығы допинг сынамасынан өтеді. 

"Соңғы жылдары біз допинг мәселесіне қатты назар аударып жүрміз. Өткен жылдары бірнеше балуандар шеттетілді. Алдыңғы жылы спортшылардың допинг қабылдағаны туралы күдік болды, алайда WADA соңғы сәтте өз шешімін берді, яғни спортшылардың қанында рұқсат етілмеген препараттар мөлшері нормадан төмен болды. Сол себепті біз оларды жарысқа қатыстырдық", - дейді ол.

Сондай-ақ, күрес федерациясының президенті "Әлем Барысы" халықаралық турнир өтетінін айтты. Әлемнің 50 елінен балуандар қатысады. 

Шораев өткен жылға қарағанда биыл жүлде қорының мөлшері аз болатынын айтты. Оның айтуынша, өткен жылы жарыс жеңімпазы 25 миллион теңге (шамамен 100 мың доллар) және Астанадан пәтер кілтін алған. 

Биыл финалдық кездесу "Астана Аренада" өтеді. Спорт кешені 12 мың орынмен қамтылған. Өткен жылдары осы жарыс "Сарыарқа" (10 мың орын) велотрегінде және "Дәулет" (үш мың) спорт кешенінде өткен болатын. 

Шораевтың айтуынша, 2018 жылы Астанада Жекпе-жек Сарайы ғимаратының құрылысы аяқталып, ұлттық жарыс сол жерде өтуі мүмкін екенін жария етті. 

Еске салайық, "Қазақстан Барысы" республикалық турнирі биыл жетінші рет өтпекші. Осы жарыста үш рет Бейбіт Ыстыбаев жеңіске жетті. Сонымен қатар, Ұлан Рысқұл, Айбек Нұғымаров және Мұхит Тұрсыновтар жеңімпаз атанды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай