+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ауыл шаруашылығы министрінің тапсырмасы бойынша, республикалық өсімдіктер карантині орталығында танымал шайн мускат жүзімінің үлгілеріне зертханалық сараптама жүргізді, - деп хабарлайды Tengrinews.kz.
Ауыл шаруашылығы министрінің тапсырмасы бойынша, республикалық өсімдіктер карантині орталығында танымал шайн мускат жүзімінің үлгілеріне зертханалық сараптама жүргізді, - деп хабарлайды Tengrinews.kz.
Ауыл шаруашылығы министрлігіне қарасты "Республикалық өсімдіктер карантині орталығы" мемлекеттік мекемесінің қызметкерлері карантиндік фитосанитариялық бақылау барысында шайн мускат жүзімінің үлгілерін зерттеді. Қорытындыға сәйкес, карантиндік зиян организмдер анықталмаған.
Денсаулық сақтау министрлігі Санитариялық-эпидемиологиялық бақылау комитетінің "Ұлттық сараптама орталығы" РМК-ның Абай облысындағы филиалы (Қытаймен шекарада) шайн мускат жүзімінің нитрат құрамын зерттеген. Зерттеу нәтижесінде өнімдегі нитрат мөлшері келісіне 13,7 миллиграммды құраған, бұл осы өнім үшін рұқсат етілген деңгейге сәйкес келеді.
Бұған дейін ауыл шаруашылығы министріне шайн мускат жүзімінің қауіпсіздігі туралы сұрақ қойылған болатын. Журналистердің сұрағына жауап бере отырып, министр Айдарбек Сапаров Қазақстанға импортталатын барлық өнім міндетті түрде бақылаудан өтетінін айтты. Сонымен қатар, ол өзі бұл жүзімнің дәмін көрмегенін, бірақ қосымша тексеру жүргізуді ұсынғанын жеткізді: "Тағы бір рет тексерейік", – деді министр.
