Әлемнің экс-чемпионы Головкин мен "Канело" реваншына болжам жасады

18 Тамыз 2018, 17:56
0
Әлемнің экс-чемпионы Головкин мен "Канело" реваншына болжам жасады - "Канело" Альварес пен Геннадий Головкин. © reviewjournal.com
"Канело" Альварес пен Геннадий Головкин. © reviewjournal.com

Жартылай орта салмақта әлемнің экс-чемпионы америкалық Шон Портер Головкин мен Альварестің реваншына қатысты өз болжамын жасады, деп хабарлады Vesti.kz

"Менің ойымша, реваншта "Канело" жеңетін сияқты. Бірінші жекпе-жекте Головкин жеңді деп есептеймін, бірақ ол жекпе-жектегі кейбір раундтар былай болды: "Жарайды, бұл раундты Геннадийге берейін, солай-ақ болсын". Білесіз бе, шындығына келер болсақ, ұпайды "Канелоға" беруге болатын раундтар да болды.

Головкиннің қорғанысы нашар және алыс дистанциядан көп соққы жіберіп алады деп есептеймін. "Канело" болса шапшаңырақ және қорғануға баса назар аударатын болады. Менің ойымша, ол Головкиннің соққыларының күшіне дайын болады. Сен қарсыласыңның жылдамдығын бір рет көргеннен кейін, келесі жолы соған қарай ыңғайлана аласың. Сондықтан, "Канело" қажетті өзгерістерді енгізеді деп күтемін", - деді Портер Fight Hub TV телеарнасына берген сұхбатында.

Еске сала кетейік, қазақстандық пен мексикалық боксшы арасындағы екінші кездесу 15 қыркүйекте АҚШ-тың Невада штаты Лас-Вегас қаласындағы T-Mobile аренасында өтеді. Бір жыл бұрын дәл осы жерде қос боксшы кімнің мықты екенін анықтай алмаған еді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай