WBA тұжырымы бойынша бірінші ауыр салмақта әлемнің уақытша чемпионы қазақстандық Бейбіт Шүменов пен ауыр салмақта әлемнің экс-чемпионы Кшиштоф Влодарчиктің жекпе-жегі 2016 жылы қаңтар айының соңында өтеді. Бұл туралы поляк боксшысының бапкері Федор Лапин мәлімдеді, - деп хабарлайды Vesti.kz.
"Бірінші рет естігенім - тізесіне бірдеңе болған. Қазір көзі деп естіп отырмын. Бірақ біз біреуге кінә арта алмаймыз, дәрігерлер де мұның барлығын растады. Біз Бейбіттің тезірек сауығып кетуіне тілектеспіз, жекпе-жек жылдамырақ өтсе дейміз. Жекпе-жек өтпей қалмайды, тек кейінге қалдырылды", - деді ол. Толығырақ мына жерде оқуға болады.
Еске сала кетейік, 18 желтоқсанда Лас-Вегас (Невада, АҚШ) қаласында 32 жастағы Бейбіт Шүменов пен 34 жастағы поляк боксшысы Кшиштоф Влодарчик жекпе-жек өткізуі тиіс болатын. Алайда бірнеше күн бұрын Шүменовтің жарақатына байланысты ол кейінге қалдырылды.