Боксшы Бекман Сойлыбаев кәсіби рингтегі жетінші жеңісіне қол жеткізді, - деп хабарлайды Vesti.kz.
Жеңіл салмақта жұдырықтасатын Сойлыбаев грузиялық Кахабар Аветисянмен жекпе-жекке шықты. Кездесу сегіз раундқа созылды, олардың нәтижесі бойынша қазылар алқасының шешімімен қазақстандық спортшы жеңді.
Айта кетейік, Сойлыбаев пен Авеситянның жекпе-жегі Киевтегі бокс кешінің аясында өтті, бұл кештің басты жекпе-жегі - бірінші ауыр салмақтағы украиналық боксшысы, WBO тұжырымы бойынша құрлықаралық чемпион Александр Усик (8-0-0) пен кубалық Педро Родригес (22-1-0) арасындағы жекпе-жек болады.
