"Бір-бірін көргісі келмейді". Головкин мен Альварес реваншқа дейін баспасөз-конференциясынан бас тартты

18 Маусым 2018, 10:49
0
"Бір-бірін көргісі келмейді". Головкин мен Альварес реваншқа дейін баспасөз-конференциясынан бас тартты - © boxingscene.com
© boxingscene.com

WBC, WBA (Super) және IBO тұжырымдары бойынша орта салмақтағы әлем чемпионы қазақстандық Геннадий Головкин (38-0-1, 34 КО) мен мексикалық Сауль "Канело" Альварес (49-1-2, 34 КО) реваншқа дейін бірге баспасөз-конференциясын өткізуден бас тартты. Бұл туралы Головкиннің промоутері Том Леффлер айтты, - деп хабарлайды Boxingnews24.com.

Промоутердің айтуынша, боксшылар тіпті жекпе-жектің соңғы аптасына дейін кездеспеу туралы шешім қабылдаған, себебі олар бір-бірін көргісі келмейді екен. Боксшылар ешқандай да жарнамалық акциялар да жүргізбейтін болып шешті.

Осылайша, басылымның мәліметінше, Головкин мен Альварес НВО арнасының бағдарламаларына қатыспайды.

Еске сала кетейік, боксшылар арасында алғашқы жекпе-жек былтыр 16 қыркүйекте тең есеппен аяқталған болатын. Қарымта жекпе-жек Лас-Вегаста 15 қыркүйекке белгіленген.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай