Украиналық боксшы Сергей Деревянченко (6-0, 4 КО) Давид Лемьеге (34-2, 31 КО) Геннадий Головкинмен (33-0, 30 КО) өткізетін кездесуге дайындалу үшін спарринг-әріптес ретінде көмектесіп жатыр, - деп хабарлайды Vesti.kz ua.tribuna.com басылымына сілтеме жасап.
"Сергей Давид Лемьемен бірге спаррингтен кейін Монреальде", - деп жазды Деревянченконың промоутері.
Еске сала кетейік, Головкин келесі жекпе-жегін Давид Лемьемен 17 қазанда Нью-Йорктегі Madison Square Garden аренасында өткізеді. Бәске WBA (Super), IBO, WBC (Interim) және IBF чемпиондық белбеулері тігіледі. Сонымен бірге, бұл екі боксшының да PPV-дағы (ақылы трансляция жүйесі) бірінші кездесуі болмақ. Кездесуді "Қазақстан" телеарнасынан тікелей эфирде көруге болады.
© 24boxing.com.ua
