Қазақстандық боксшы Данияр Елеусіновтің (2-0, 1 КО) менеджері Зия Әлиев олимпиада чемпионының қай жекпе-жекте сегіз раундтық форматта жұдырықтасатынын айтты, - деп хабарлайды Vesti.kz тілшісі.
27 жастағы қазақстандық боксшының үшінші жекпе-жегі Кардиффте 4 тамызға белгіленген. Елеусіновтің қарсыласы венгриялық Габор Горбич (24-11, 14 КО) болады.
"Данияр сегіз емес, алты раунд жұдырықтасып жүр. Ондай ақпаратты көргенде таңғалып, серіктестерге қоңырау шалдым. Олар алты раунд болатынын растады. Даниярдың сегіз раундтық жекпе-жегі келесі, 4 тамыздан кейінгісі болады", - деді Әлиев.
Айта кетейік, Елеусінов пен Горбичтің жекпе-жегін "Хабар" телеарнасы тікелей эфирден көрсетеді.
