Геннадий Головкин рингке оралуы туралы мәлімдеме жасады 08 шілде 2021, 16:27
Орта салмақтағы IBF және IBO нұсқалары бойынша әлем чемпионы Геннадий Головкин әлеуметтік желілерде рингке қайта оралуы туралы жазба жариялады, - деп хабарлайды Vesti.kz.
"Мен рингке жанкүйерлерім және өзім үшін шығамын. Жақында кездескенше", - деп жазды Головкин Twitter-парақшасында.
When I get in the ring, it will be for my fans and for myself. See you soon.
— Gennadiy Golovkin (@GGGBoxing) July 8, 2021
Сонымен қатар, Головкин Fox News тілшісі Мэтт Ричардсонның жазбасына жауап берді. Ол Сауль "Канело" Альваресті GGG-мен салыстырғанда Джермалл Чарлоға қарсы күресте көргісі келетінін жазған және "GGG-мен жұмыс аяқталды" деген.
"Сенің не ойлайтының ешкімді қызықтырмайды. Мен трештокингпен айналысатындарға және менің есімімді қолданып хайп жасайтындарға қарағанда, шынымен жетістікке жетіп, назар ауаруға тұрарлық адамдарды тыңдағанды дұрыс санаймын", - деп жауап берді Головкин.
I’d rather watch him against Charlo than GGG again, too. GGG is finished. https://t.co/lk3fWNpxbl
— Matt Richardson (@MRichardson713) July 2, 2021
Айта кетейік, Головкин Канеломен екі рет кездесуге шыққан. Олардың алғашқы жекпе-жегі 2017 жылдың қыркүйегінде тең нәтижемен аяқталды, ал бір жылдан кейін мексикалық жеңіске жетті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!