19 желтоқсан 2018 12:37

Головкин Альвареспен шығу үшін кімді жеңуі керек?

ПОДЕЛИТЬСЯ

Бүкіләлемдік бокс кеңесінің (WBC) президенті Маурисио Сулейман Thaboxingvoice радиосына берген сұхбатында орта салмақта WBC, WBA (Super) чемпионы мексикалық Сауль "Канело" Альварес (51-1-2, 35 КО) және қазақстандық Геннадий Головкин (38-1-1, 34 КО) арасындағы үшінші жекпе-жекке қатысты пікір білдірді. 


Бүкіләлемдік бокс кеңесінің (WBC) президенті Маурисио Сулейман Thaboxingvoice радиосына берген сұхбатында орта салмақта WBC, WBA (Super) чемпионы мексикалық Сауль "Канело" Альварес (51-1-2, 35 КО) және қазақстандық Геннадий Головкин (38-1-1, 34 КО) арасындағы үшінші жекпе-жекке қатысты пікір білдірді. 

Мұның алдында WBC Головкинді америкалық Джермалл Чарломен (27-0, 21 КО) жұдырықтасуға міндеттеген. Алайда қазақстандықтың командасы бұдан Альвареспен екі кездесу де даулы болғанын алға тартып, міндетті қарсылассыз, бірден мексикалықпен жекпе-жек өткізетіндерін мәлімдеген.

Сонымен қатар, Головкин қарымта сұраған еді, алайда, WBC оған рұқсат бермей, мексикалықққа белбеуін еркін қорғауға мүмкіндік берді. Альварес Рокки Филдингті жеңіп, одан WBA (Regular) белбеуін тартып алды. Осылайша, мексикалық үш салмақта чемпиондық белбеу алған боксшы атанды.

Сулейманның айтуынша, мәселенің мән-жайы 22 желтоқсанда Чарло мен ресейлік Матвей Коробов (28-1, 14 КО) арасындағы жекпе-жетен кейін анық болады. Бастапқыда америкалық боксшы отандасы Вилли Монромен (23-3, 6 КО) жұдырықтасу керек еді, бірақ, ол допинг-тестінен өте алмай, WBC оны жекпе-жектен алып тастады.

"Конвенцияда қабылданған шешім бойынша, "Канелода" еркін қорғау өткізу мүмкіндігі бар, ал Чарло - Головкин жекпе-жегінің жеңімпазы Альвареске міндетті қарсылас болады. Алдағы сенбіде Чарло жұдырықтасады, осыдан кейін біз оның Головкинмен жекпе-жегін ұсынысқа жібереміз. Чарло Головкинді жеңсе, оның "Канеломен" жұдырықтасатын күнін белгілейміз. Тараптар келісе алмаса, промоутерлік сауда бастаймыз. Егер тараптар қатысудан бас тартса, жағдай тығырыққа тіреледі де, біз келесі жарлықты басымдыққа аламыз. Бірақ, Чарло осы сенбіде жеңіп, Головкинмен жұдырықтасады, ал жеңімпаз 2019 жылы Альвареспен жекпе-жек өткізеді деген үміттемін", - дейді WBC басшысы.

Сонымен қатар, ұйым басшысы қазақстандыққа Чарломен жұдырықтаспай-ақ Альварес - Головкин жекпе-жегін өткізуге рұқсат ететіндерін мәлімдеді.

"Бұл WBC кеңесіне байланысты болады. Егер "Канело" - Головкин жекпе-жегіне ұсыныс келсе, дауыс беру арқылы шешеміз. Жеке менің пікірім - WBC трилогияны мақұлдайды. Ал басқаша ұсыныстар түссе, WBC жағдайды бағалап, бұл мәселені дауыс беру арқылы шешеді. Бірақ қазіргі жағдай - Чарлоның жеңісін және Головкинмен жұдырықтасуын күтіп отырмыз. Жеңімпаз "Канеломен" шығады. Мұнан өзгенің бәрі дауыс беру арқылы шешіледі", - деп түйіндеді ол.

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети