Қазақстандық Геннадий Головкин мен украиналық Сергей Деревянченко арасындағы жекпе-жектегі төрешілер ұпай санын жазған қағаздың суреті жарияланды, - деп хабарлайды Vesti.kz.
Олардың жекпе-жегі 6 қазанда таңертең Нью-Йоркте (АҚШ) Madison Square Garden аренасында өтті және барлық 12 раундқа созылды. Төрешілер IBF және IBO орта салмақтағы екі бос титулдарын Головкинге бірауыздан берді (114-113 және екі рет 115-112).
Осылайша Головкин карьерасындағы 40-шы жеңісіне жетті, оның 35-ін мерзімінен бұрын аяқтаған. Ал бірінші раундта нокдаунда болған Деревянченко екінші рет жеңіліске ұшырады.
