Жанқош Тұраров астанадағы бокс кешінде жекпе-жекке шығатын болды 13 қараша 2021, 17:00
18 желтоқсанда Нұр-Сұлтан қаласында өтетін бокс кешінде шаршы алаңға шығатын тағы бір боксшының есімі белгілі болды, - деп хабарлайды Tengrinews.kz тілшісі Vesti.kz порталына сілтеме жасап.
Елордадағы жекпе-жек кешінде қазақстандық боксшы Жанқош Тұраров өнер көрсететін болды. Бұл отандасымыздың кәсіпқой бокстағы 25-айқасы болады. Бұған дейін Тұраров 24 кездесуде де жеңіске жеткен. Ал 17 жекпе-жекте қарсыласын нокаутқа түсірген. Жанқоштың қарсыласы кім болатыны алдағы уақытта анықталады.
Посмотреть эту публикацию в Instagram
Еске салайық, бұл бокс кешінің басты айқасында Олимпиада ойындарының чемпионы Данияр Елеусінов (10-0, 6 КО) жартылай орта салмақтағы IBO белбеуіне таласады. Оның да қарсыласы әлі белгісіз.
Ал Даниярдың алдында шаршы алаңға Иван Дычко (10-0, 10 КО) өнерін көрсетеді. Бұл боксшылардан бөлек, 18 желтоқсанда Ержан Залилов пен Ескендік Харсан да жұдырықтасады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!