"Канелоның" бапкері Головкиннің Санчеспен жұмысын тоқтатқанына қатысты пікір білдірді

01 Мамыр, 13:19
0
"Канелоның" бапкері Головкиннің Санчеспен жұмысын тоқтатқанына қатысты пікір білдірді - Фото: Golden Boy Promotions/ Chris Hogan
Фото: Golden Boy Promotions/ Chris Hogan

WBC, WBA (Super) тұжырымдары бойынша орта салмақтағы әлем чемпионы Сауль "Канело" Альварестің (51-1-2, 35 КО) бапкері Хосе "Чепо" Рейносо қазақстандық экс-чемпион Геннадий Головкиннің (38-1-1, 34 КО) Абель Санчестен кеткеніне қатысты пікір білдірді, - деп хабарлайды Vesti.kz.

Айта кетейік, екі тарап 2010 жылдан бастап жұмыс істеген болатын. Головкин өз шешімін кәсіби деңгейін арттыру ниетімен түсіндіріп отыр. Ал Санчес оны "ашкөздік пен сараңдықтың" кесірі деген еді. 

"Меніңше, олардың арасындағы "махаббат" жалған болды. Сен ақша үшін кетсең, оның түкке тұрғысы жоқ. Ақша бірінші орынға шықса, ол - нағыз әзәзілдің ісі", - деді Рейносо FightHub TV арнасына берген сұхбатында.

Мұның алдында "Канелоның" промоутері Оскар Де Ла Хойя да Головкиннің Санчеспен жұмысын тоқтатқанына қатысты пікір білдірген болатын. 

Еске салайық, Санчестің басшылығымен Головкин 22 жекпе-жек өткізіп, 20 жеңіске жетті (19 нокаутпен), бір рет жеңіліс тапты, тағы бірінде тең түсті. Соңғы жекпе-жегі 2018 жылдың қыркүйегінде "Канелоға" қарсы реванш болған.

Енді Геннадий Головкин рингке 8 маусымда оралады. Ол Нью-Йорктегі Madison Square Garden аренасында жеңіліп көрмеген канадалық Стивен Роллспен кездеседі. Жекпе-жек 164 фунтқа дейінгі аралық салмақта өтеді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай