+7 (777) 001 44 99
ПОДЕЛИТЬСЯ
Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкиннің (37-0-1, 33 КО) бапкері Абель Санчес мексикалық Сауль "Канело" Альвареспен (49-1-2, 34 КО) өтетін екінші кездесуді келесі жылдың көтем мезгілінде өткізеді дегенге сенім артады, - деп хабарлайды Vesti.kz.
Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкиннің (37-0-1, 33 КО) бапкері Абель Санчес мексикалық Сауль "Канело" Альвареспен (49-1-2, 34 КО) өтетін екінші кездесуді келесі жылдың көтем мезгілінде өткізеді дегенге сенім артады, - деп хабарлайды Vesti.kz.
Оның айтуынша, Головкин Альвареспен екінші жекпе-жек өткізбей шаршы алаңға басқа боксшымен жұдырықтасуға шықпайды.
"Егер жекпе-жек мамырда өтетін болса біздің тараптан олай тәуекелге бару бассыздық болар еді. Біздің басты сұрайтынымыз Том мен Оскар және Эрик екінші жекпе-жекті өткізуге тезірек шешім шығаруы. Бұл жекпе-жек міндетті түрде өтуі тиіс.
Біз 2018 жылдың қыркүйегіне дейін дейін күтпеуіміз керек. Бұл тым ұзақ. Жекпе-жек 5 мамырда Синко де Майо мерекесінде өтетініне сенім артамын", - деп жазады BoxingScene.com Санчестің сөзін.
Осыған дейін, Сауль "Канело" Альварестің мүддесін қорғайтын Golden Boy Promotions компаниясының негізін қалаушы Оскар Де Ла Хойя мексикалық боксшының қазақстандық Геннадий Головкинмен екінші кездесуінің келіссөздері қалай өтіп жатқанын айтты. Оның айтуынша, екі боксшы арасындағы екінші кездесуді ұйымдастыру туралы келіссөздер келер жылдың басында басталады екен. Сонымен қатар Де Ла Хойя жекпе-жектің қашан өтетінін де айтты.
"Екі боксшы да бұл жекпе-жекті ұйымдастырғысы келеді. "Канело" да, Головкин де бірінші кездесуінде өздерінің барлық мүмкіндігін толық көрсете алмады. Кездесу Мексиканың ұлттық мейрамы Синко де Майа күні өтуі мүмкін. Немесе қыркүйек айында. "Канело" маған кездесуді өткізуге ыңғайлы күн мен орынды табуды тапсырды", - дейді Де Ла Хойя.
Айта кетейік, Лас-Вегаста өткен жекпе-жек 12 раундқа созылды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.
Сондай-ақ, кейінірек жекпе-жектің толық видеосы жарияланды. Сонымен қатар, Спорттық комиссия басшысы "Канелоның" пайдасына дауыс берген төрешіні шеттетті.
