WBA (Super), IBO, WBC (Interim) және IBF тұжырымдары бойынша орта салмақта әлем чемпионы Геннадий Головкин өзін екінші Майк Тайсон деп есептемейтінін айтты, - деп хабарлайды Fighthype.com.
"Мен өзімді екінші Майк Тайсонмын деп есептемеймін. Мен GGG, Геннадий Головкинмін", - деді қазақстандық боксшы. Сонымен қатар, ол IBF тұжырымы бойынша жартылай орта салмақта әлем чемпионы Келл Брукпен аралық салмақ дәрежесінде өткізілуі мүмкін жекпе-жекке қатысты пікір білдірді.
"Менің ойымша, Брук тым кішкентай. Мен орта дивизионда өнер көрсетемін. Келл Брук және басқалары трэш-токингпен айналысады. Егер Сауль Альварес дайын болса, мен онымен кездескім келеді. Себебі, ол - орта салмақта әлем чемпионы. Менің бар мақсатым орта салмақтағы барлық белбеуді иелену", - деді Головкин.
