Мигель Коттоның бапкері Головкиннің жеңілмейтініне күмән келтірді

23 Қараша 2014, 10:57
0
Мигель Коттоның бапкері Головкиннің жеңілмейтініне күмән келтірді - Геннадий Головкин. ©Тұрар Қазанғапов
Геннадий Головкин. ©Тұрар Қазанғапов

WBC тұжырымы бойынша орта салмақтағы әлем чемпионы - пуэрторикалық Мигель Коттоның бапкері Фредди Роуч WBA (Super), IBO және WBC (Interim) тұжырымдары бойынша осы салмақтағы әлем чемпионы Геннадий Головкиннің жеңілмейтін боксшы екеніне күмән келтіреді, - деп хабарлайды Vesti.kz.

Фредди Роуч өз шәкіртінің мексикалық Сауль "Канело" Альваресті ғана емес, Геннадий Головкинді де жеңе алатынын мәлімдеді. "Орта салмақта қызықты жекпе-жектер өте көп. Котто Альвареспен кездесіп, оны жеңсе, келесі қарсыласы Геннадий Головкин болады. Бәрі Головкинге лайықты қарсылас жоқ деп жатады, бірақ Котто оның жонынан таспа тіле алады", - деді Роуч. Толығырақ мына жерден оқи аласыздар.

Еске сала кетейік, мұның алдында Геннадий Головкин Бүкіләлемдік бокс кеңесінің (WBC) нұсқасы бойынша айдың ең үздік боксшысы атанған еді. 18 қазанда ол АҚШ-та мексикалық Марко Антонио Рубионы нокаутқа түсіріп, титулын (орта салмақтағы WBA (Super) және IBO чемпионы) сәтті қорғады және WBC уақытша чемпионы белбеуін жеңіп алды. Геннадий Головкиннің келесі жекпе-жегі 2015 жылдың 21 ақпанында Монакода өтеді. Ол ағылшын боксшысы Мартин Мюрреймен жұдырықтасады.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай