Мэнни Пакьяо, Сергей Ковалев, Леннокс Льюис пен Теренс Кроуфорд және бокстағы басқа да танымал тұлғалар Головкин - Альварес жекпе-жегінің қорытындысына қатысты пікір білдірді, - деп хабарлайды Vesti.kz.
Айта кетейік, Лас-Вегастағы жекпе-жек тең есеппен аяқталды. Бірақ қазақстандық боксшы барлық белбеуін сақтап қалды.
"Олар судьяларды Аустралиядан жіберген ба? #CaneloGGG", - деп жазды Пакьяо кездесудің қорытындысы шыққан соң. Ол өзінің соңғы жекпе-жегін аустралиялық Джефф Хорнмен өткізгенін және жеңістің оның өз туған жерінде кездесу өткізген қарсыласына бергенін айтып өтті. Сондай-ақ, Пакьяо Головкинді мақтады.
Айта кетейік, жекпе-жектің қорытындысымен келіспеген боксшылардың қатарында Леннокс Льюис, Сергей Ковалев, Эрисланди Лара, Теренс Кроуфорд пен Билли Джо Сондерс бар.
"Головкин мен үшін осы жекпе-жектің жеңімпазы. Альварестің соңына дейін жұдырықтасқаны ұнады. Бүгін екеуі де жеңілді. Бірақ судьялардың шешімі күлкілі болды", - деп келтіреді Льюистің сөзін "Спорт-Экспресс" басылымы.
"Cудьялардың шығарғаны шешім емес. Бірақ бұл Вегас қой, таңғалатын ештеңе жоқ. Гена жеңіске жетті! Бұл спорт емес, таза бизнес. Кезекті қате шешім қабылданып отыр", - деп жазған Ковалев Instagram желісіндегі парақшасында.
Сондай-ақ, кейінірек жекпе-жектің толық видеосы жарияланды.
