Showtime телеарнасының комментаторы, сарапшы Эл Бернштейн мен ESPN маманы Дэн Рафаэль қазақстандық Геннадий Головкин мен мексикалық Сауль "Канело" Альварес арасындағы қарымтаны қайта қарап шығып, төрешілер шешіміне келіспейтіндерін айтты, - деп жазады Vesti.kz.
Мамандар шешуші 12-раунд бойынша екі төрешінің ұпайларымен келіспеді. Дэйв Моретти және Гленн Фельдман бұл ұпайларды Альвареске жазып, мексикалық ұпай санымен алға шыққан (115-113, 115-113, 144-114). Екі төреші де 12-раундта Головкин жеңді десе, кездесу тең аяқталатын еді.
"Головкин - "Канело" қарымтасының 12-раундын қайта қарадым. Жекпе-жектің басқа бөлігін айтпағанда, 12-раунд шешуші болды. Меніңше, "Канело" ол кезде ешқалай басым болмады. Головкин нақты және күшті соққыларды көбірек жасады", - деп жазыпты Бернштейн Twitter желісіндегі парақшасында.
"Головкин 12-раундта басым болғанын бәрі біледі. Мұнда ешқандай сұрақ жоқ", - деп Том Леффлер бұл жазбаны ары қарай жалғастырған.
"10 миллион пайыз беремін, 12-раундты Головкин жеңді", - деп қостады Рафаэль.
Айта кетейік, Геннадий Головкин мексикалық Сауль "Канело" Альварестен 16 қыркүйекте өткен реваншта жеңіліп қалған болатын. Төрешілердің шешімі бойынша жеңімпаз Сауль Альварес: 115-113, 115-113, 114-114. Головкиннің барлық титулы Альвареске өтті - орта салмақта WBC, WBA (Super) және IBO белдіктері. Мексикалық боксшыға The Ring чемпиондық титулы да бұйырды, журнал оны Альварестен тартып алған болатын.
Головкин келесі жекпе-жегінде белбеуін қайтара алады