"200 фильм мен соншама сынған сүйектен кейін" Джеки Чан "Оскар" сыйлығын алды

13 Қараша 2016, 14:52
0
"200 фильм мен соншама сынған сүйектен кейін" Джеки Чан "Оскар" сыйлығын алды - Джеки Чан. © MIGnews.com
Джеки Чан. © MIGnews.com

Әлемге танымал актер әрі режиссер Джеки Чан кинематографияға қосқан зор үлесі үшін "Оскар" сыйлығын алды, - деп хабарлайды Tengrinews.kz тілшісі Америкалық кинематография өнері мен ғылымы академиясының Twitter желісіндегі парақшасына сілтеме жасап. 

Сенбіде Лос-Анджелесте өткен марапаттау рәсімінде 62 жастағы Чан бұл сыйлықты аламын деп ойламағанын жасырмады. 

"200 фильмнен кейін, соншама сынған сүйектен кейін, бұл ("Оскар" - Авт.) менікі", - деді ол.

Қытай актерінің "Оскар" сыйлығын алатыны жайлы хабар биыл қыркүйекте шыққан болатын. Шығыс жекпе-жектерінің шебері өз мансабында жүздеген фильмге түскен.

Америкалық академияның кинематографияға қосқан үлесі үшін берілетін құрмет сыйлығы 1948 жылы бекітілген еді. Оны киноакадемия басшылығы тағайындайды. 

Forbes журналының мәліметінше, Чан табысы жоғары актерлердің тізімінде екінші орынды алып тұр екен (61 миллион доллар).


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай