Qazaqstan Ұлттық телеарнасында "Қазақ елі" тарихи сериалының көрсетілімі басталады

20 Қараша, 15:48
0
Qazaqstan Ұлттық телеарнасында "Қазақ елі" тарихи сериалының көрсетілімі басталады -

Бүгін Qazaqstan Ұлттық телеарнасында сағат 23:25-те ҚР Мәдениет және спорт министрлігі тапсырысы бойынша түсірілген "Қазақ елі" тарихи сериалының көрсетілімі басталады, - деп хабарлайды Тengrinews.kz тілшісі министрліктің Facebook желісіндегі парақшасына сілтеме жасап. 

"Тарихи кинотуындының режиссері - Қазақстан Республикасының Еңбек сіңірген қайраткері, кинорежиссер, сценарист және суретші Рүстем Әбдірашов. Ол "Құрақ көрпе", "Қаладан келген қыз", "Сталинге сыйлық", Елбасы жолы киноэпопеясының: "Балалық шағымның аспаны", "От-өзен", "Теміртау", "Тығырықтан жол тапқан" кинотуындыларының және "Қазақ елі" сериалының авторы. "Қазақ хандығы. Алмас қылыш" фильмі тарихи "Қазақ елі" кинодиологиясының бірінші бөлімі", - делінген хабарламада. 

Бұл ауқымды тарихи жобаның идея авторы - ҚР Тұңғыш Президенті - Елбасы Нұрсұлтан Назарбаев.

"Фильмнің сценарийі Ілияс Есенберлиннің "Алмас қылыш" романының желісі бойынша жазылған. Бұл фильм Керей мен Жәнібек хандардың хандық құрып, ірге кеңейту, мемлекеттің босағасын бекемдеу барысын суреттейді", - делінген хабарламада. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай