1. Басты
  2. Біл
  3. Мәдениет
  4. Кино

Танымал актер Дархан Дайырбек қайтыс болды

Дархан Дайырбек Дархан Дайырбек

Танымал актер Дархан Дайырбек қайтыс болды, - деп хабарлайды Tengrinews.kz тілшісі. Бұл туралы продюсер әрі актер Нұртас Адамбай Facebook желісінде жазды.

Ол актердің сегізінше шілдеге қараған түнде қайтыс болғанын жазды.

"Бүгін түнде біздің тамаша актеріміз Дархан Дайырбек қайтыс болды. Студиямыз туғаны мен туысқандарына қайғырып көңіл айтады. Дархан аға әрдайым көңілді әрі жақсы кісі еді. Сол қалпынд есімізде қалады. Дәке, рөлдеріңіз үшін, жұмысыңызға және адамдарға деген қарым-қатынасыңызға рақмет. Иманды болыңыз", - деп жазды Нұртас Абамбай.

Алайда актердің неден қайтыс болғаны белгісіз. 

Қазаны Ғ.Мүсірепов атындағы Қазақ мемлекеттік академиялық балалар мен жасөспірімдер театрының өкілдері де хабарлады.

"Ғ.Мүсірепов атындағы Қазақ мемлекеттік академиялық балалар мен жасөспірімдер театрыныңТеатр артисі, кино актер - ДАРХАН ДАЙЫРБЕКТІ де арамыздан жұлып әкетті. Айтуға сөз жетпейді, қабырғамыз қайысып отыр.
1994 ж. Т.Жүргенов атындағы Театр және кино институтын Н.Жақыпбайдың шеберлік класынан бітіріп, сол жылдан еңбек жолын осы, біздің театрдан бастаған; Елге дара талантымен: "Күлкі керуені", "Терісқақпай" әзіл-сықақ театрлары арқылы танылған, апталдай азамат, жарқыраған жақсы адам, дархан көңілді ДАРХАНымыз еді... Амал нешік... Бақұл болыңыз!", - делінген театр хабарында.

Еске салайық, Дархан Дайырбек 1969 жылы туған. Қазақстанның еңбек сіңірген қайраткері. "Терісқақпай" комедия театрының әртісі. Отандық бірнеше фильмде басты рөлде ойнаған. "Әкім", "Құдалар", "Қазақша тонау", "Сүрбойдақ", "Келинка Сабинка-2", "Бес күндік күйеу", "Мен күйеу баламын", т.б. 

Қазақстан жаңалықтары. Соңғы жаңалықтар. Telegram желісінде бізге жазыл!