25 мамыр 2017 19:37

11 жастағы Өркен Азаматұлының өгей шешесі: Менде өлтіруге екі себеп болды

ПОДЕЛИТЬСЯ

11 жастағы Өркен Азаматұлының өгей шешесі Шәрипа Ақбердиева сот кезінде баланы өлтіруге кінәлі екенін мойындады, - деп хабарлайды Tengrinews.kz тілшісі. 


11 жастағы Өркен Азаматұлының өгей шешесі Шәрипа Ақбердиева сот кезінде баланы өлтіруге кінәлі екенін мойындады, - деп хабарлайды Tengrinews.kz тілшісі. 

"Мен кешірім сұраймын (жылады). Мені өлтіруге жетелеген екі себеп болды. Азамат (Өркеннің әкесі) қанша жұмыс істесе де, отбасына, балаларға, ешкімге де қарайласқан жоқ. Мен көлік сатып алдым. ЖКО-ға түстік. Ол еш көңіл бөлген жоқ. Өркен 3 жасынан әжесінің қолында болды. Айжан да (Өркеннің анасы) оның ештеме сатып алып бермегенін біледі. Мен өзім сатып алғанды оның атынан беріп жүрдім", - дейді Ақбердиева. 

Баланың әкесі Азамат Кемпірбаев әйелінің сөзін растады. 

"2013 жылы Азаматқа кредитке көлік алып бердім. 1 жыл 7 ай 120 мыңнан Азамат емес, мен төлеп отырдым. Төлеуді тоқтатып едім ұрыс-керіс басталды. Есенбекова (Өркеннің әжесі) бізді ажырасуға дейін жеткізді. Оған дейін жанжал болмаған. Айжан, сенен кешірім сұраймын. Өркенді олай өлтіреді деп ойламадым. Бұл менің және балаларымның кінәсі. Мен баланы алып кеткенде оны өлтіру үшін ұрламадым. Азаматпен тілдескім келді: Осы 12 жыл менімен ақша үшін ғана болды ма деп сұрағым келді", - деп жалғастырды сөзін Ақбердиева. 

Шәрипа Ақбердиеваның айтуынша, Өркенді өлтіруде қызы Айдана мен такси жүргізушісі Русланның кінәсі жоқ. Егер олар білсе, бірден полицияға хабарласар еді дейді ол. 

"Мен ана болғандықтан, оқиғаның басы-қасында болғандықтан, кінәні өз мойныма аламын. Бірақ мен Өркенді өлтіріп жатқанын көрмедім. Барлығынан кешірім сұраймын. Өте өкінішті", - деп аяқтады Ақбердиева. 

Өркеннің анасы Шәрипа Ақбердиеваның сөзін растап, Азаматтың алимент төлемегенін айтты. Азамат та мұны мойындады. 

Судья сотты 26 мамырға шегерді. Мұның алдында прокурор Шәрипа Ақбердиеваны 25 жылға соттауды сұраған болатын.

Как вам дизайн сайта Tengri News?
Пройти опрос
Читайте также
Join Telegram

Валюта бағамы

 449.3   483   4.85 

 

Ауа райы

 

Редакция Жарнама
Социальные сети