1. Басты
  2. Біл
  3. Оқиға
  4. Қылмыс

15 жыл бойы іздеуде болған өзбекстандық Алматы облысында ұсталды

Құрамында есірткі заты бар өсімдіктерді өсіргені үшін ұсталған өзбекстандық қамаудан қашып, кісі өлтіргені үшін іздеуде жүрген адам болып шықты, – деп хабарлайды Polisia.kz.

1976 жылғы өзбекстандық 2005 жылдан бастап іздеуде жүрген.

Қарасай ауданының полиция қызметкерлері жедел іс-шараларды жүргізу барысында құрамында есірткі заты бар өсіруге тыйым салынған өсімдіктерді заңсыз өсіру дерегін анықтаған. Осы дерекке байланысты ҚР Қылмыстық кодексінің 300-бабының 1-бөлігіне сәйкес қылмыстық іс қозғалды.

"Өзімен бірге жеке басын куәландыратын құжаттары жоқ күдікті есірткілік масаң күйде болған. Ұстау кезінде өзін агрессивті жағынан көрсеткен, ол асүй пышағын алып, өзіне-өзі қол жұмсаймын деп қорқытқан. Алайда  жедел уәкілдер оны бірден бейтараптандырып, Қарасай ауданының полиция басқармасына жеткізген. Жеке басын анықтау барысында, күдіктінің өзгенің атын пайдаланғаны белгілі болды, себебі алынған фотосурет оның бейнесіне сәйкес келмеген. Дерекқор бойынша саусақ іздерін тексерген тәртіп сақшылары ұсталған адамның Өзбекстан құқық қорғау органдарымен адам өлтіргені және қамаудан қашқаны үшін іздеуде жүргенін анықтады", - делінген хабарламада.

Қамауға алу санкциясы бар қашқын тергеу оқшаулағышына этапталды. Жасалған қылмысы үшін жауапкершілік туралы мәселе шешілгеннен кейін оны Өзбекстан еліне экстрадициялау туралы мәселе шешіледі дейді.

Қазақстан жаңалықтары. Соңғы жаңалықтар. Telegram желісінде бізге жазыл!