Алматыда қыруар ақшамен ұсталған жүргізушінің ісі: Талдықорған әкіміне қатысты тексеріс басталды

29 Наурыз, 11:30
0
Алматыда қыруар ақшамен ұсталған жүргізушінің ісі: Талдықорған әкіміне қатысты тексеріс басталды - Талдықорған әкімі Дастан Шалтабаев. © Tengrinews.kz коллажы
Талдықорған әкімі Дастан Шалтабаев. © Tengrinews.kz коллажы

Алматыда көлігінде доллар мен травмат қаруын алып жүрген жүргізуші ұсталған соң Алматы облысында тексеріс басталды, - деп хабарлайды Тengrinews.kz тілшісі.

Әлеуметтік желі қолданушылары полицей тоқтатқан көліктің жүксалғышынан табылған 007 TTD 02 және 055 TTD 05 нөміріне назар аударды. Олар алматылық полицейлер ұстаған ер адамның Талдықорған әкімінің туыстарымен байланысы бар-жоғын анықтағысы келді.

Осыған байланысты Алматы облысы әкімдігінің өкілдері пікір білдірді.

"Талдықорған әкімі Дастан Шалтабаевқа қатысты қызметтік тергеу басталды. Қазіргі уақытта ол мәліметті жоққа шығарып немесе растай алмаймыз. Тексеріс қорытындысы бойынша бөлек мәлімдеме жасаймыз", - деді әкімдіктегілер.

Еске салайық, кеше 28 наурызда Алматы полицейлері Toyota Camry көлігін тоқтатқан болатын. Тексеріс кезінде жүргізушіде куәлік пен көліктің қандай да бір құжаты болмаған.

"Жүргізушінің көлік құралын жүргізуге құқығы жоқ және қалада бөтен автомобильді басқарғаны анықталды. Инспекторлар шұғыл және арнайы қызметтердің автокөліктеріне арналған арнайы жарық және дыбыс сигналдарын беруге арналған автоға орнатылған құрылғыларды байқады. Тәртіп бұзушы өте қатты қобалжып, уақыт өте келе біреумен телефон арқылы сөйлескен", - деп хабарлаған еді әкімшілік полиция басқармасының патрульдік полиция батальонының өкілдері.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай