Алматы қаласы бойынша ҰҚК департаменті синтетикалық есірткінің екі ірі жасырын өндірісін жою бойынша операцияларды өткізді, - деп хабарлайды Tengrinews.kz тілшісі ҰҚК баспасөз қызметіне сілтеме жасап.
Психотропты заттарды дайындады және сатты деген күдікпен үш азамат ұсталған.
"Тінту кезінде 21 кг "мефедрон" және "альфа-РVР", прекурсорлардың ірі партиясы мен зертханалық жабдықтар анықталды.
Тәркіленген есірткі заттардың құны "қара" нарықта 420 миллион теңгеге бағаланады, ал көлемі 85 000 рет қабылданатын мөлшерлемелерді құрайды", - делінген хабарламада.
Материалдар Қылмыстық кодекстің 297-бабы 3-бөлігі бойынша соталды тергеп-тексерудің бірыңғай тізіліміне тіркелген.
"Соттың санкциясымен ұсталғандарға қамауда ұстау түріндегі бұлтартпау шарасы қолданылды.
Өзге ақпараттар Қылмыстық-процестік кодекстің 201-бабы 1-бөлігіне сәйкес жарияланбайды", - делінген хабарламада.
Биылғы 9 айда ҰҚК 30 халықаралық және аумақтық есірткі арналарының, сондай-ақ 29 есірткі өндіретін зертханалар іс-әрекетінің жолын кесті.
Жалпы алғанда заңсыз айналымнан шамамен 1 тоннаға жуық синтетикалық есірткі және 76 тоннадан астам прекурсорлар тәркіленген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!