Астанада жолаушылар көлігі басқармасының бұрынғы басшысы алты жылға сотталды

05 Қазан 2016, 10:36
0
Астанада жолаушылар көлігі басқармасының бұрынғы басшысы алты жылға сотталды - Еділ Сүлейменов © Tengrinews.kz
Еділ Сүлейменов © Tengrinews.kz

Астана қалалық жолаушылар көлігі басқармасының бұрынғы басшысы алты жылға сотталды, - деп хабарлайды Tengrinews.kz тілшісі. 

Бүгін Астана қаласының №2 Алматы аудандық соты қалалық жолаушылар көлігі басқармасының бұрынғы басшысы Еділ Сүлейменов бойынша қылмыстық іске қатысты сот үкімін шығарды. Сотталушы ҚР Қылмыстық Кодексінің 366-бабының 2,3-бөлігі ("Пара алу"), 364-бабының 2-бөлігі ("Кәсіпкерлік қызметке заңсыз қатысу") бойынша айыпталды.

Еске салайық, 28 шілдеде Астананың жолаушылар көлігі басқармасының басшысы пара алып жатқан жерінен ұсталған болатын. "28 шілдеде Сыбайлас жемқорлыққа қарсы іс-қимыл ұлттық бюросының Астана қаласы бойынша Департаменті елорда әкімдігінің жолаушылар көлігі басқармасының басшысы Еділ Сүлейменовті екі кәсіпкерден жалпы сомасы 2,1 миллион теңге пара алып жатқан жерінен ұстады", - деп хабарлады баспасөз қызметіндегілер. Ұсталғаннан кейін Сүлейменов Астана ІІД уақытша ұстау изоляторына қамалған. Сотқа дейінгі тергеу шаралары жүріп жатыр. Айта кетейік, ұсталуы алдында ол қалалық көлік мәселелеріне арналған қоғамдық тыңдауларда баяндамашы ретінде сөз сөйлеген.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай