Балқаш тұрғыны 300 адам коронавирус жұқтырды деп жалған ақпарат таратқан
© Tengrinews.kz иллюстрациясы
Балқашта 300 адам коронавирус жұқтырғаны туралы жалған ақпарат таратқан 50 жастағы күдікті әйел ұсталды, - деп хабарлайды Tengrinews.kz тілшісі.
Күдікті таратқан аудио ата-аналардың чаты мен түрлі топтарға тарап, артынша жазба полиция қызметкерлеріне жеткен. Аудио авторы жақында көптеген адам, яғни, 300-ге жуық тұрғын Балқаш медицина колледжінің жатақханасына жатқызылатынын айтқан.
Полицейлер күдіктіні ұстаған. Іс бойынша ҚР Қылмыстық кодексінің 274-бабының 2-бөлігі бойынша сотқа дейінгі тергеу амалдары басталған.
Сонымен қатар, полиция өкілдері тек ресми ақпаратқа сенуге шақырды. Егер күдіктінің кінәлі екені анықталса, ол 7 жылға дейін бас бостандығынан айырылуы мүмкін.
Айта кетейік, Қылмыстық кодексте (274-бап) көрінеу жалған ақпарат таратқаны үшін 10 жылға дейін бас бостандығынан айыру түріндегі жаза көзделген.
Қазақстан жаңалықтары. Соңғы жаңалықтар. Telegram желісінде бізге жазыл!