24 қыркүйек 2014 11:10

Қарағанды облысының экс-әкімі ұсталды - ақпарат көзі

ПОДЕЛИТЬСЯ

©Тengrinews.kz ©Тengrinews.kz

Қарағанды облысының бұрынғы әкімі Бауыржан Әбдішев ұсталды, - деп хабарлайды Tengrinews.kz тілшісі ҚР Мемлекеттік істер және сыбайлас жемқорлыққа қарсы іс-қимыл агенттігінің өкіліне сілтеме жасап.


Қарағанды облысының бұрынғы әкімі Бауыржан Әбдішев ұсталды, - деп хабарлайды Tengrinews.kz тілшісі ҚР Мемлекеттік істер және сыбайлас жемқорлыққа қарсы іс-қимыл агенттігінің өкіліне сілтеме жасап.

Ақпарат көзінің мәліметінше, бұрынғы шенеунікке қызметтік өкілеттігін теріс пайдаланды деген күдік келіп отыр. Оған мемлекеттік жер телімдерін заңсыз бөлді деген кінә артылған. Бауыржан Әбдішев 23 қыркүйек күні өз үйінде ұсталып, Қарағанды қалалық ішкі істер басқармасының уақытша ұстау изоляторына қамалды. Әбдішевтің жұмысы өңірдегі бизнес өкілдерінің көңілінен шықпаған болатын. Олар бұрынғы облыс әкімі тарапынан жер заңнамасы мәселелерінің бұзылуына қатысты жиі шағымданған еді. 

2014 жылдың маусым айында Бауыржан Әбдішев Қарағанды облысының әкімі қызметінен босатылды. Оның орнына Нұрмұхамбет Әбдібеков тағайындалды. Әбдішев Қарағанды облысының әкімі қызметіне 2013 жылдың 29 қаңтарында тағайындалған еді. Оған дейін ол қоршаған орта вице-министрі болды. 2010 жылдың қаңтарынан 2012 жылдың қыркүйегіне дейін Қарағанды қаласының әкімі қызметін атқарды. Ол сондай-ақ елдің түрлі аймақтарында кеден қызметінде жұмыс істеді.

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети