Қарағандыда өгей әке баланың жағын сындырды 15 сәуір 2014, 16:34
Қарағандыда өгей әке баласын аяусыз сабап тастады, - деп хабарлайды Nv.kz порталы.
2-сынып оқушысы Максим Гильмутдиновты өгей әкесі өлімші етіп сабаған. Бала Майқұдықтағы №1 қалалық ауруханаға келіп, дәрігерлерге әкесінен таяқ жегенін айтқан. Ауыр соққыдан баланың жағы сынған, миы шайқалған, денесіне дақ түскен.
Бала оқитын мектеп өкілдерінің айтуынша, Максимнің отбасы жағдайы нашар: өгей әкесі бұрын сотталған, оның үстіне, арақ ішеді, ал анасы баласын қорғамайды. Жергілікті білім департаментінің мамандары бұл оқиғадан хабардар болды. Бұл жағдай кәмелетке толмағандар ісі жөніндегі комиссияның отырысында талқыланбақшы.