Ақмола облысында "Қазақалтын" тау-кен металлургиялық концерніне тиесілі құны 122 миллион теңге болатын алтын ұрланды. Бұл ақпаратты Ақмола облысы полиция департаменті баспасөз қызметі растады, - деп хабарлайды Tengrinews.kz тілшісі.
"Ақмола полицейлері 2021 жылдың 2 наурызына қараған түні "Қазақалтын" АҚ-қа тиесілі алтын катодын ұрлау дерегі бойынша қылмыстық істі тергеп жатыр. Қылмыстық әрекет нәтижесінде кәсіпорынға 122 миллион теңге сомасында залал келді. Тәртіп сақшылары ҚР ҚК-нің 188-бабы 4-бөлігі "Ұрлық" бойынша соталды тергеу жүргізіп жатыр", - деп хабарлады ведомство өкілдері.
Қылмысты жасауға қатысы бар адамдарды анықтау үшін криминалдық полиция мен тәжірибелі тергеу қызметкерлерінен арнайы жедел-тергеу тобы құрылды. Тергеу мүддесіне сай басқа ақпарат жария етілмейді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
