1. Басты
  2. Біл
  3. Оқиға
  4. Қылмыс

Көкшетауда төтенше жағдай кезінде жезөкшелер қызмет көрсеткен сауна әшкере болды

Фото: informus.ru Фото: informus.ru

Көкшетауда төтенше жағдай кезінде жезөкшелер қызмет көрсеткен сауна әшкере болды, - деп хабарлайды Polisia.kz.

Дереккөз мәліметінше, сауна 15 сәуірде полицейлер жүргізген рейд барысында анықталған.

"Тексеріс кезінде саунада әкімші мен интим қызмет көрсететін үш қыз болды. Сондай-ақ, жедел қызметтегілер қыздарды түнгі уақытта саунаға жеткізген такси жүргізушісін анықтады. Жолаушы қыздар оны қосымша арқылы тапқан", - делінеді хабарламада.

Төтенше жағдай режимін бұзған саунаның 49 жастағы әкімшісі мен интим қызмет көрсеткен 21-28 жас аралығындағы қыздар әкімшілік жауапкершілікке тартылды. Полицейлер ұсталған қыздарды есепке қойды.

Сондай-ақ, 31 жастағы жүргізушінің де жазаланғаны айтылады. Оның Toyota Camry көлігі айыппұл тұрағына жеткізілген.

Қазақстан жаңалықтары. Соңғы жаңалықтар. Telegram желісінде бізге жазыл! 

Қазақстанда күн суытады