Мақтаарал ауданында ерлі-зайыптыны балталап өлтірген күдікті ұсталды

14 Наурыз 2017, 12:25
0
Мақтаарал ауданында ерлі-зайыптыны балталап өлтірген күдікті ұсталды - иллюстрациялық сурет
иллюстрациялық сурет

ОҚО полицейлері Мақтаарал ауданында ерлі-зайыптыны өлтірген күдіктіні қамауға алды, - деп хабарлайды Тengrinews.kz тілшісі ОҚО ІІД-нің баспасөз қызметіне сілтеме жасап.

Оқиға 2017 жылы 13 ақпанда болған. Мақтаарал АІІБ-не Алмалы ауылындағы көшелердің бірінде ер адам мен әйел адамның зорлық белгілерімен мәйіттері табылғаны хабарланған. 

Оқиға орнына жедел-тергеу тобы барған. Криминалистер олардың шабылған жарақаттардан қаза тапқанын айтқан. Полицейлер қаза тапқандардың жеке басын анықтаған. Олар отбасылық жұп болып шыққан: Мақтаарал ауданының тұрғындары 1958 жылғы ер адам және 1966 жылғы әйел адам.

ҚР Қылмыстық кодексінің 99-бабы ("Кісі өлтіру") бабымен осы дерек бойынша Мақтаарал АІІБ Біріңғай реестріне тіркелген. Осы қылмысқа кімдердің барғанын анықтау үшін Мақтаарал АІІБ жеке құрамы, криминалистер және ОҚО ІІД-нің тергеушілері жұмылған. Күдіктілерді ұстау үшін барлық қажетті шаралардың қолданылғаны айтылады. 

Соның қорытындысы бойынша, бір ай өткенде жедел-іздеу шаралары барысында полицейлер күдіктіні ұстаған, ол 1991 жылғы жергілікті тұрғын болып шыққан. Ол кінәсін толығымен мойындады. Заттай дәлел ретінде балта тәркіленген. Қазіргі уақытта полицейлер оқиғаның барлық мән-жайын анықтап жатыр. Күдікті уақытша ұстау изоляторына қамалған. Сотқа дейінгі тергеу шаралары жүріп жатыр. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай