Нұр-Сұлтан полицейлері бір топ адамның ұсталуына қатысты пікір білдірді, - деп хабарлайды Tengrinews.kz тілшісі.
Бұл оқиға 27 сәуірде болған. Полиция департаментінің мәліметінше, құқық қорғау органдарының өкілдері сағат 14.20-да бір топ адамның өзін ерсі ұстағанын байқаған.
"Оларға жақындаған кезде іздеу жарияланған адамдар анықталған. Ұсталған ер адам мен әйел адам мас болған, олар полицейлерге қарсылық көрсеткен", - деп хабарлайды баспасөз қызметіндегілер.
36 жастағы ер адам ұрлық жасады деген күдікке ілінген, оған қатысты қылмыстық іс қозғалған.
Ер адам қазіргі уақытта қамауға алынды. 39 жастағы әйелге қатысты ҚР Әкімшілік құқық бұзушылық туралы кодекстің 476-бабы бойынша әкімшілік хаттама толтырылды. Іс материалдары сотқа жолданды. Ал әйел адам оқшауланды.
Қазақстан жаңалықтары. Соңғы жаңалықтар. Telegram желісінде бізге жазыл!