1. Басты
  2. Біл
  3. Оқиға
  4. Қылмыс

Полиция Екібастұзда болған кісі өліміне қатысты түсінік берді 23 ақпан 2021, 15:59

Бүгін таңертең Екібастұзда ер адамды атып өлтірген күдікті іздестіріліп жатыр, - деп хабарлайды Tengrinews.kz тілшісі.
Фото ©Tengrinews.kz Фото ©Tengrinews.kz

Бүгін таңертең Екібастұзда ер адамды атып өлтірген күдікті іздестіріліп жатыр, - деп хабарлайды Tengrinews.kz тілшісі.

Павлодар облысы полиция департаменті баспасөз қызметінің ақпараты бойынша, 23 ақпанда сағат 8:00-ден 8:10-ға дейін Екібастұздағы Сәтбаев көшесіндегі үйдің ауласында белгісіз қарудан ер адам оқ атқан. Жараланған ер адам оқиға болған жерде қаза тапты.

Аталған факт бойынша ҚР Қылмыстық кодексінің 99-бабы 1-бөлігі бойынша сотқа дейінгі тергеу басталды.

"Қазіргі уақытта күдіктіні анықтауға бағытталған жедел-іздестіру шаралары жүргізіліп жатыр", - деді Павлодар облысы полиция департаменті бастығы Нұрлан Мәсімов.

Полиция оқиғаға қатысты қандай да бір ақпаратты білетін азаматтардан 102 телефон нөміріне хабарласуды сұрайды. Жеке деректер сақталатынына кепілдік беріледі.

ҚР Қылмыстық-процессуалдық кодексінің 201-бабына сәйкес өзге ақпарат тергеу мүддесінде сәйкес жария етілмейді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!