Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Сәбиін қоқысқа тастаған анаға үкім шығарылды

14 Қазан 2014, 17:22
0
Табылған сәби. 2014 жылдың сәуірі. ©Tengrinews.kz
Табылған сәби. 2014 жылдың сәуірі. ©Tengrinews.kz

Өз баласын қоқысқа тастаған 16 жастағы анаға бостандығын бір жылға шектеу жазасы берілді, - деп хабарлайды Tengrinews.kz тілшісі Астананың Алматы аудандық прокуратурасына сілтеме жасап.

"Кездейсоқ қуанышты жағдайға орай айыпталушының әрекеті ауыр салдарға соқтырмағанын және оның жас екенін ескере отырып, кінәліге бостандығын бір жылға шектеу туралы үкім шығарылды", - делінген хабарламада.

Атырау облысында туған 16 жастағы қыз өзінің жүкті болғанын білгеннен кейін колледжге оқуға түсуге, сонымен бірге, аяғы ауыр екенін туыстарынан жасыру үшін Астанаға келген. Тергеу қыздың мезгілі жеткен кезде үйде босанғанын анықтады.

"10 сәуірге қараған түні сағат 02.00 шамасында жалға алған пәтерінің жуыну бөлмесінде қыз ешкімнің көмегінсіз, сап-сау қыз баланы босанған. Баланы бағу керек екенін ұғынғаннан кейін ауа райының қолайсыздығына қарамастан, сәбиді полиэтилен пакетке салып, тұрғын үйдің жанындағы қоқыс контейнеріне тастаған, сөйтіп, оны қасақана қауіпте қалдырған", - дейді аудандық прокуратура өкілдері.

Сол түні қоқыс контейнерлері жанынан өтіп бара жатқан ерлі-зайыпты нәрестенің жылаған үнін естіп қалады. Табылған сәби "суық тию" диагнозымен қалалық балалар ауруханасына жеткізілді. Бағы бар бөбекке кейін оны өлімнен құтқарып қалған ерлі-зайыптының фамилиясы берілді.

Алматы аудандық прокуратурасы баспасөз қызметінің хабарлауынша, сәби қазір біржарым жаста, оны әлдекімдер асырап алмақшы, қазір тиісті құжаттары әзірленіп жатыр. Сәбиді тауып алған ерлі-зайыпты да оны асырап алмақ болған еді, бірақ Біріккен Араб Әмірліктерінің азаматтығын алып, сол жақта өмір сүріп жатқандықтан, оларға рұқсат берілмеді. 

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай