1. Басты
  2. Біл
  3. Оқиға
  4. Қылмыс

СҚО-да жаппай төбелес болды: 10 адам зардап шекті03 маусым 2020, 18:50

Видео кадрынан Видео кадрынан

Солтүстік Қазақстан облысында тау-кен байыту комбинаты аумағындағы жанжал салдарынан 10 адам зардап шегіп, медициналық көмекке жүгінген. Жанжал видеосы Желіде тарап жатыр, - деп хабарлайды Tengrinews.kz тілшісі Polisia.kz сайтына сілтеме жасап.

Видеоны @sko_kz Instagram-каналы таратқан. Кадрлардан бірнеше ер адамның бөгеттен секіріп өтіп, комбинат жұмысшыларына шабуылдағанын көруге болады.   

Посмотреть эту публикацию в Instagram

Публикация от Петропавловск Казахстан СКО (@sko_kz)

"2 маусымда Тайынша АПБ кезекші бөліміне "Обуховский ГОК" ЖШС кіре берісіне көлік құралдарымен 30 шақты адамның келгендігі жайында хабарлама келіп түсті. Шұғыл түрде тау-кен байыту комбинаты мүліктік кешенінің аумағына АПБ жедел тергеу тобы жіберілді", - дейді полицейлер.

Тау-кен байыту комбинатының қоршалған аумағының алдына “Тиолайн” ЖШС-нің жеті құрылтайшыларының екеуі Қарағандыдан қарағандылық күзет агентікттерінен өз өкілдерімен келгені анықталды.

"Тау-кен байыту комбинатының аумағына кіруге оқталған кезде күзет агенттіктері және ұйым қызметкерлері мен "Обуховский ГОК" ЖШС-ті күзетуді жүзеге асыратын күзет агенттіктері және ЖШС өкілдері арасында дау-жанжал туындады. Қорытындысында, Тайынша ауданының және Ақмола облысының емдеу мекемелеріне түрлі дене жарақаттарымен 10 адам жүгінген", - делінген хабарламада.

Аталған дерек ҚР Қылмыстық кодексінің 293-бабы 3-бөлігі 2-тармағы ("Бұзақылық") бойынша сотқа дейінгі тергеп-тексерудің бірыңғай тізіліміне енгізілген.

"Күзет агенттіктерінің өкілеттіліктерді асыра пайдалану фактісі де ҚР Қылмыстық кодексінің 252-бабы 2-бөлігі бойынша сотқа дейінгі тергеп-тексерудің бірыңғай тізіліміне енгізілді. 1994 және 1998 жылдары туған екі күдікті уақытша ұстау изоляторына қамауға алынды. Қазіргі уақытта істің мән-жайын толық және объективті зерттеуге бағытталған қажетті тергеу әрекеттері жүргізіліп жатыр", - дейді полиция өкілі. 

Қазақстан жаңалықтары. Соңғы жаңалықтар. Telegram желісінде бізге жазыл! 


Еуро бағамы 500 теңгеден асты