Талдықорған әкімінің бұрынғы орынбасары Әсет Шаяхметов сот алдына келді

23 Тамыз 2018, 12:18
0
Талдықорған әкімінің бұрынғы орынбасары Әсет Шаяхметов сот алдына келді - © Tengrinews.kz фотоколлажы
© Tengrinews.kz фотоколлажы

Талдықорған әкімінің экс-орынбасары Әсет Шаяхметовтің сот ісі басталды. Бұрынғы жоғарғы лауазымды шенеунікке "Пара алу" және "Қылмыстық жолмен алынған ақшаны және (немесе) өзге мүлікті заңдастыру (жылыстату)" баптары бойынша айып тағылған, - деп хабарлайды Tengrinews.kz тілшісі.

Басты сот ісі Алматы облысы қылмыстық істер бойынша мамандандандырылған ауданаралық сотында қарастырылды. Сегіз ай бойы тергеу шаралары жүрген уақытта күдікті үй қамауында болған. 

Қылмыстық іс 32 томнан тұрады. Әкімнің экс-орынбасарын ҚР Қылмыстық кодексінің 366-бабы 4-бөлігі ("Аса ірі көлемде пара алу") және ҚР 218-бабы 3-бөлігі 1-тармағы "Қылмыстық жолмен алынған ақшаны және (немесе) өзге мүлікті заңдастыру (жылыстату)" бойынша іс қозғалған.

 ШҚО тумасы Әсет Шаяхметов - 1985 жылғы, білімі - жоғарғы, үйленген, бұрындары сотты болмаған. 

Осыған дейін, Талдықорған әкімдігінің шенеуніктері пара алды деген күдікке ілінгені туралы хабарланған еді.  

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай