+7 (777) 001 44 99
Қазақша
Русский
English
Қазақша
Русский
English
Жаңа жыл түні Тараз орталығында жолдың бойында төбелес болған, - деп хабарлайды Tengrinews.kz тілшісі.
Төбелес видеобақылау камерасына түсіп қалған. Әлеуметтік желілерде тарап жатқан видеодағы кадрларға қарағанда, онда Volkswagen Golf III пен "ВАЗ-2114" көліктері түсірілген. "ВАЗ-2114" ішінен бір топ жігіт шыққан. Содан олар екінші көлікте артқы орындықта отырған жолаушыны ұрып-соға бастаған. Осы сәтте Volkswagen Golf III жүргізушісі оқиға орнынан кетіп қалған.
Бірақ бір сәтте Volkswagen жүргізушісі қайтып келіп, төбелес шығарғандардың бірін қағып өлтірген.
Полицияның мәліметінше, бұл оқиға 1 қаңтарда сағат 1.30-да болған. 29 жастағы жігіт келесі күні есін жимастан жансақтау бөлімінде көз жұмған.
"Бұл дерек Тараз қалалық ІІБ сотқа дейінгі бірыңғай тергеу реестріне тіркелді. Жедел-іздестіру шаралары басрысында ер адамды қағып өлтірген Volkswagen Golf III жүргізушісі анықталды. Полиция қызметкерлері оны ұстауға қатысты барлық шараны қолданып жатыр", - деп хабарлады Жамбыл облыстық ІІД баспасөз қызметіндегілер.
Сонымен қатар, полициядағылар тергеу барысында "ВАЗ-2114" көлігіндегі төрт жолаушының бұзақылық жасағаны анықталғанын хабарлады. ҚР Қылмыстық-процессуалдық кодексінің 293-бабы 3-бөлігі 2-тармағы бойынша сотқа дейінгі тергеу жүргізіліп жатыр.
"Қазіргі уақытта төбелеске қатысқандардың барлығын анықтауға бағытталған жедел-іздестіру шаралары жүргізіліп жатыр", - деп хабарлады өңірлік ІІД өкілдері.
