Теміртау қаласының 20 жастағы тұрғыны қасақана адам өлтірді деген күдікпен ұсталды, - деп хабарлайды Tengrinews.kz тілшісі Қарағанды облысының ІІД баспасөз қызметіне сілтеме жасап.
Ведомство мәліметінше, 2018 жылдың 10 мамырында Теміртау қаласындағы үйлердің бірінен 18 бен 25 жас аралығындағы 5 ер адам оқ жарақатымен жедел жәрдем арқылы емханаға жеткізілген.
Жедел іс-шаралар барысында қаланың 20 жастағы тұрғыны ұсталды. Ол жәбірленушілерге арадағы келіспеушілік салдарынан оқ атқанын мойындады.
Қазіргі уақытта 20 жастағы күдікті қамауға алынды. Осы дерек бойынша ҚР Қылмыстық Кодексінің 24,99 бабының 2-бөлімі бойынша сотқа дейінгі тергеу басталды.