Түркістан облысында 4 миллионға жуық ақшаны заңсыз иемденген ер адам ұсталды

07 Желтоқсан 2018, 10:07
0
Түркістан облысында 4 миллионға жуық ақшаны заңсыз иемденген ер адам ұсталды - © oren.ru
© oren.ru

Түркістан облысында полицейлер үлкен көлемде заңсыз ақшаны иемденген күдіктіні ұстады, - деп хабарлайды Tengrinews.kz тілшісі облыстық Полиция департаментінің баспасөз қызметіне сілтеме жасап.

Ведомство мәліметінше, 2018 жылдың 29 қарашасында Отырар АПБ-не хат келіп түскен. Онда мекеменің бір қызметкері үлкен мөлшерде ақшаны заңсыз иемденіп, қашып кеткені айтылады.

"Отырар АПБ-нің қызметкерлерінен құралған жедел-тергеу тобы оқиға орнына келіп, мекеме қызметкерінің жалақыға бөлінген 3 800 000 теңге ақшаны иемденіп, белгісіз бағытта қашып кеткенін анықтады. Тәртіп сақшыларының жедел-іздестіру іс-шараларының жүргізу барысында күдіктінің Отырар ауданының тұрғыны екені анықталып, ол Тараздан ұсталды",- деп хабарлады полицейлер.

Сотқа дейінгі тергеп тексеру барысында айғақты зат ретінде ұрланған ақшаның бір бөлігі, яғни 1 миллион теңгесі тәркіленіп алынды. Қалған ақшаны өз қажеттілігіне жаратып жіберген. Осы дерек бойынша ҚР Қылмыстық Кодексінің 189-бабы бойынша реестрге тіркелді. Қазіргі уақытта сотқа дейінгі тергеу шаралары жүргізіліп жатыр.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай