Түркістан облысында 30-ға жуық тұрғынды алдаған алаяқ әйел бас бостандығынан айырылды, - деп хабарлайды Polisia.kz.
Сәуір айының соңында жергілікті полицейлер жұмысқа орналастырамын деп 30-ға жуық тұрғынды алдаған алаяқ әйелді ұстаған болатын. Егде жастағы әйел ешқайда тіркелмеген мүгедек балаларды оңалту орталығына жұмысқа қабылдаймын деп алдап, әр адамнан 300-700 мың теңге аралығында ақшаларын алып кеткен болатын.
Осы жайтқа байланысты ҚР ҚК-нің 190-бабы (Алаяқтық) бойынша іс тіркеліп,сотқа дейінгі тергеп-тексеру амалдары жүргізілген еді. Полицейлер жеткілікті дәлелдемелер негізінде кінәні мойындау туралы мәміле нысанындағы процестік келісім жасалып, ҚР Қылмыстық-процестік кодексінің 612-бабы бойынша іс Мақтаарал аудандық сотына жолданған.
Мақтаарал аудандық сотының үкімімен әйел қатысты 3 жыл 6 ай бас бостандығынан айырылды.
Қазақстан жаңалықтары. Соңғы жаңалықтар. Telegram желісінде бізге жазыл!
