Қазақстанда ресми түрде жаңа мемлекеттік мереке пайда болды, ол демалыс күні болып жарияланады. Бұл 1 шілдеден бастап жаңа Конституцияның күшіне енуіне байланысты, деп хабарлайды Tengri Life.
Қазақстанда ресми түрде жаңа мемлекеттік мереке пайда болды, ол демалыс күні болып жарияланады. Бұл 1 шілдеден бастап жаңа Конституцияның күшіне енуіне байланысты, деп хабарлайды Tengri Life.
Мереке қашан атап өтіледі?
1 шілдеден бастап Қазақстанда Конституция күні ресми түрде 15 наурыз болып бекітілді. Бұл күн мемлекеттік мереке болып жарияланды. Бұл туралы жаңа Конституция мәтінінде, атап айтқанда 94-баптың 2-тармағында жазылған:
"Республикалық референдумда Конституция қабылданған күн мемлекеттік мереке – Қазақстан Республикасының Конституция күні болып жарияланады".
Бұған дейін Қазақстанда Конституция күні жаздың соңында – 30 тамызда атап өтілетін. Енді бұл күн ресми түрде жойылды. Еңбек және халықты әлеуметтік қорғау министрлігі бұған дейін 30 тамыз бұдан былай демалыс күні болмайтынын мәлімдеген.
"Бізде жаңа Конституция 15 наурызда қабылданды. Бұл күн Конституция күні болады. Енді мерекені 15 наурызда тойлайтын боламыз", – деп мәлімдеді министр Асқарбек Ертаев.
Тағы не өзгерді?
Жаңа Конституция күшіне енген соң Парламенттің қос палатасы – Мәжіліс пен Сенат қызметін тоқтатты. Бір ай ішінде Президент жаңа бірпалаталы Парламент – Құрылтайға сайлау жариялауы тиіс, ал оны екі айдың ішінде өткізу қажет.
Мемлекеттік басқарудың жаңа жүйесінде вице-президент лауазымы пайда болады. Оны Құрылтайдың келісімін алғаннан кейін Мемлекет басшысы тағайындайды. Вице-президенттің міндеттеріне Парламентте Мемлекет басшысының мүддесін білдіру, халықаралық іс-шараларға қатысу, сондай-ақ Президенттің өзге де тапсырмаларын орындау кіреді.
Сонымен қатар елімізде Халық кеңесі жұмысын бастайды. Бұл орган жоғарғы консультативтік алаңға айналып, заңнамалық бастамалар көтеру құқығына ие болады. Халық кеңесі ел дамуының маңызды мәселелерін талқылау кезінде мемлекеттік құрылымдар мен қоғам арасындағы өзара іс-қимылға септігін тигізеді деп күтіледі.
Тағы оқыңыз: Жаңа Конституция күшіне енгеннен кейін Қазақстанда кімдер тағайындалады
