COVID-19 жұқтырғаннан кейін бірнеше апта бойы ПТР оң нәтиже көрсете береді. Алайда, бұл оның жұқпалы екенін білдірмейді. Бұл туралы Дүниежүзілік денсаулық сақтау ұйымының Ресейдегі өкілі Мелита Вуйнович айтты, - деп хабарлайды Tengrinews.kz тілшісі "Российская газета" басылымына сілтеме жасап.
"Жұқпалы болу үшін тірі вирус тарату керек. Алдын ала жүргізілген зерттеулерге сәйкес, науқастардың көпшілігі ауру белгілері пайда болғаннан кейін 8-9 күннен өткен соң ғана жұқпалы болады. Дегенмен, ауыр науқастарда жұқпалы кезең ұзағырақ болуы мүмкін", - деп түсіндірді Мелита Вуйнович.
ДДҰ ұсынған 14 күндік оқшаулау кезеңі қолда бар ақпараттарға негізделген. Қазіргі мәліметтерге сүйенсек, орташа инкубациялық кезең - 5-6 күн, жоғарғы шегі - 14 күн. Бұл карантин уақытын нақтылауға негіз болады.
Еске салайық, 2011-2017 жылдары Мелита Вуйнович ДДҰ-ның Қазақстандағы өкілі қызметін атқарған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
