Денесін қабыршық басқан бала Израильге емделуге барады

16 Мамыр 2014, 10:03
0
Денесін қабыршық басқан бала Израильге емделуге барады - Жасұлан Қорғанбек. "Жетінші арна" кадры
Жасұлан Қорғанбек. "Жетінші арна" кадры
Денесін қабыршық басқан бала Израильге емделуге барады - Денесін қабыршық басқан бала Израильге емделуге барады
Денесін қабыршық басқан бала Израильге емделуге барады

Ихтиоз ауруының ең қауіпті түріне шалдыққан 5 жасар Жасұлан Қорғанбек Израильге емделуге барады, деп хабарлайды Tengrinews.kz "Жетінші арнаға" сілтеме жасай отырып. 

Қайырымды қазақстандықтар баланың емделуіне қажетті қаржыны жинап берген. Науқас баланың ата-анасының айтуынша барлық жиналған қаржы 7 миллионға жетті. Жасұлан шетелген он күннен кейін аттанбақ. 

"Мен өз балама денсаулық тілеймін. Перзентімнің басқа балалар секілді балалық шағын алаңсыз өткізсе екен деймін. Бізге көмек көрсеткен халыққа алғысым шексіз", – дейді сәбидің анасы Ұлбибі Ықыласова.

Жақында баланың туған жері Қызылорда қаласында облыстық филармония әртістері балаға қолдау көрсету мақсатында қайырымдылық концертін өткізді. Коцертке келген адамдар тек билет қана алып қоймай арнайы қойылған жәшікке шама-шарқынша ақша тастады. Қайырымдылық концертте 400 мың теңге жиналған. 

Бірнеше күн бұрын Жасұлан Алматы қаласындағы ауруханадан шықты. Ол ауруханада бір ай емдеу курсын алған болатын. Дәрігерлер баланың жағдайы жақсарғанын айтады. Оның денесіндегі қатты қабыршықтар жоғала бастаған. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай