Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Қазақстан ғалымдары қышқылсүтті бірегей сусын жасап шығарды

23 Сәуір 2014, 15:39
0
Фото nnm.ru сайтынан алынды
Фото nnm.ru сайтынан алынды

Қазақстандық ғалымдар антиоксидантты қасиетке ие бірегей қышқылсүтті сусын жасап шығарды, деп хабарлайды Tengrinews.kz тілшісі.

SIMB-A деп аталатын жаңа өнімнің негізі лакто мен бифидобактериялы симбиотиктен жасалған. "Global Technology Network" (GTNet) компаниясы мамандарының айтуынша, симбиотикалық сусын сүт өнімінің жаңа түрі болып табылады, оны йогуртпен, кефир немесе айранмен салыстыруға келмейді, бірақ өзінің консистенциясы бойынша ол әлдебір ішетін йогурт пен шырынның арасындағы сусын секілді болып көрінеді.

Қазірдің өзінде ғалымдар "түтікте" in vitro экспериментін жасады. Нәтижесінде зерттеушілер симбиотикалық сусынның функционалды сапасын дәлелдеді. Ол антиоксидантты қасиетке ие, иммунитетті көтереді, холестериннің деңгейін төмендетіп, организмнің бейімделу қасиетін арттырады.

Айта кетейік, ғалымдарға енді жаңа өнімді потенттеу және оны клиникалық сынақтан өткізу күтіліп отыр. Компания 2015 жылы симбиотикалық сусынды сатуға шығаруға ниет етіп отыр.

Еске сала кетейік, 2013 жылы ғалымдар "Технологиялық даму жөніндегі ұлттық агенттік" АҚ-нан сусынды әзірлеудің грантын ұтып алған болатын. Жаңа қышқылсүтті өнімді жасауға компания 3,6 миллион теңгеден астам қаржы бөлген.

Бұдан бұрын Алматыдағы туберкулез институтының базасында бие сүтінен жасалған йогурт клиникалық сынақтан сәтті өткені хабарланған еді. Бие сүтінен жасалған йогурт емделушілердің тағамына қосылғаннан кейін, науқастардың иммунитеті көтеріліп, антиоксидантты белсенділігі артқан. Ғалымдардың сөзінше, йогурттан қосымша әсер берілмеген.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай