Ақмола облысында ауыл әкімін оның күйеуі өлтірген болып шықты

15 Шілде 2015, 21:52
0
Ақмола облысында ауыл әкімін оның күйеуі өлтірген болып шықты - ©"КТК" телеарнасы
©"КТК" телеарнасы

Белағаш ауылдық аймағын басқарған Яна Крыльді тура жұмыс кабинетінде өз күйеуі пышақтап өлтірген. Бұл туралы "КТК" телеарнасы хабарлап отыр.

33 жастағы келіншек бірден ауруханаға жеткізілгенімен, тілге келмей көз жұмды. Оқиға кешқұрым болған. Жұмыс орнында ауыл әкімінен басқа тағы бір қызметкер отырыпты. Кенет әкімнің азаматтық некедегі күйеуі келіп, шу шығарады. Жанжал кезінде ол Янаға бірнеше жерінен пышақ сұғып алған. Қарамағындағы қызметкер көмекке жүгіргенімен, тым кеш еді. Ашынған еркек өз-өзіне де қол жұмсақ болған. Қазір ол да қатаң күзетпен емдеу мекемесінде жатыр. Ерлі-зайыптылардың арасындағы жанжалға не себеп болғаны әзірше белгісіз.

Еске салайық, күні кеше ғана, Шығыс Қазақстандағы Күршім ауданының әкімі де кісі қолынан өлген болатын. Ол іс бойынша, жалғыз күдікті ретінде Алтайбек Сейітовтің көлік жүргізушісі қамауда отыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай