Ақмола облысында терроризм туралы жалған хабар таратқан ер адам ұсталды

03 Қаңтар 2017, 10:40
0
Ақмола облысында терроризм туралы жалған хабар таратқан ер адам ұсталды -

Ақмола облысында 1 қаңтарда Көкшетаудағы ірі сауда орталықтарының бірінде жарылғыш зат бар деп хабар таратқан күдікті ұсталды, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

1 қаңтарда СҚО Төтенше жағдайлар департаментінің кезекші бөліміне терроризм туралы хабарлама келіп түскен. Белгісіp ер адам абоненттік нөмірден қоңырау шалған. Бұл мәліметтер Ақмола облыстық ІІД жіберілді.

"Жедел-тергеу тобы бірден оқиға орнына барды. Ғимаратты тексеру нәтижесінде қауіпті немесе жарылғыш заттар табылған жоқ. Адамдар эвакуацияланған жоқ", - деді Ақмола облыстық ІІД баспасөз қызметіндегілер.

Кейінірек полиция қызметкерлері Солтүстік Қазақстан облысы Сарыбұлақ ауылының осыған дейін сотты болмаған 26 жастағы тұрғынын ұстады. Айта кетейік, ұсталған ер адам өз кінәсін мойындады.

Осы дерек бойынша ҚР Қылмыстық кодексінің 273-бабы бойынша ("Терроризм актiсi туралы көрiнеу жалған хабарлау") қылмыстық іс қозғалды. Осы бапқа сәйкес, ер адам алты жылға дейін бас бостандығынан айырылуы мүмкін.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай